Ode alla Curia e alla fantasia imprenditoriale dei nostri prelati, che a Don Verzè.....

 

Nostro Signor, che no l'era mìa sempio,

el diséa: "Fora i mercanti dal tempio".

Ultimamente, ne la nostra comunità,

la regola no la me par tanto rispetà.

Gh'è infati la gubia Don Fasani- Don Zenti,

che no me par che i viva tra i stenti,

che più che a le preghiere e a l'Agnus Dei,

i sia interessadi ale banche e ai schei.

Se sa, le vocassioni j'è un problema serio:

"Femo l'ecoborgo al posto del seminario!

Con du centri commerciali, femo sensa

de la man de la Divina Providensa".

Le robe g'à da éssar rebaltà de bruto,

se anca i preti mete la pila sora tuto.

Alora, no ghe resta, al Regno dei Cieli,

de ristruturàr el Paradiso con tanti sporteli!