Doman se celebra a Veroneta, Palasso Da Lisca Cavalli, el poeta dei pitochi in versiòn noir (vedi locandina). Che ghe fusse reciprocità? Cioè che Barbarani el g'avesse, nel Ventenio, simpatie par i fassisti? Mah! In redassiòn n'è pervegnùo ‘sto scrito. Ma semo propensi a pensar che sia qualcuno che l'àbia usà el so nome. Se auguremo, come par altri poeti più famosi del nostro, che no sponta adesso Casa Barbarani. De quela ghe ne basta una, in piassetta Pescheria!

La Cabala del Gnoco

.

.

la gran cabala del gnoco*!

co el manganel de gala,

me comare Aquilassa,

la se giusta la grembiala,

che bisogna celebrar

el gran Sabo fassistòn …!

co ‘na ociada da maestro,

la marida a poco a poco,

el brasso a la sata

e da forte incassata,

la manipola el baston…!

longhe e sutili

ben tenerine,

come che va…

tochi e tocheti,

oh che tocheti,

che restarà…!

OVRA casola,

toghe de boca

la parola;

faghe i so brufoli

a fior de pansa,

che tristi i pianzarà…

su la piassa,

sto infido popolo,

che sempre ciassa,

sfida el canon;

chieto onfà l'oio,

che speta el boio

del fassistòn…!

OVRA casola,

toghe de boca

la parola;

Grata el formaio,

sensa creansa,

che el se ghe intrufola,

drento la pansa…

ojo de merlusso:

spiuma, desfrìsete,

sàltaghe adosso…

nero brusà:

Gnochi, son qua:

.