Venerdì 20 marzo - ore 18.30 - a santa Maria in Chiavica: Traforo, Arsenàl, Cimitero verticàl . . . e Roberto Puliero, giusto par taiàr l'aria.
Il TraforoI vol far un gran buso,
sbudelàr la colina,
sassinàr tuta l'aria,
sparpaiarghe la benzina...
scortegàr n'antro toco
de collina de ieri,
rebaltàr piante e fiori
e stravolgiar i sentieri...
...
L'Arsenale
...
E se, serà 'l Cortile ovest,
la cultura l'è scomparsa...
ecco, a cura del Comune,
la tragedia e po' la farsa:
"Pensa - i dise - che guadagni!
E che gran comodità!
Ma de serto l'Arsenale
'l restarà de la cità!"
...sensa verde, sensa vita,
sensa sogni da spartir,
poarà 'ndarghe i citadini
anca solo par morir.
Il cimitero verticale
Pensa ti cosa 'l se inventa
el progresso più globale!
Eco l'ultima trovata:
'l cimitero...verticale!
No 'l sarà mai più de moda
ritrovar, grassie a la chiete,
la dolcessa de un ricordo,
el conforto de una prece...
e tuffarse nel silensio,
sbiassigàr n'Ave Maria,
sussurarghe du parole
a ci l'è volado via...
...
