In questo periodo terremoti ed alluvioni sono all'ordine del giorno.
Ciel a pegorinaLa globalisassion, col fast food,
la n'à portà anca el flash flood.
I è quele aluvioni, che de boto
voja no voja, va tuto soto!
L'è che col clima suriscaldà
l'energia termica l'è aumentà.
E quindi no j'è mia schersi,
che la vegna zò a seci roersi.
Na olta la sagessa popolar
la se limitava a vaticinar
se el ciel l'era a pegorele.
Adesso, col siòr del Pidiele,
tra na escort e na velina,
vardémo se l'è … a pegorina
El scurlòn
El domiladodese el sarà cruciàl
non solo par tuta l'umanità,
che, forsi, la scomparirà (!),
ma anca par el teritorio comunal.
Ghe sarà infati le elessioni
e, come col Brasil al Maracanà,
el risultato el pararèa scontà,
a meno de inatesi scurloni!
Eco alora che'l teremoto de Peri
l'è un segnal de avertimento
par i listoni che parea forti fin a ieri.
Podarìa arivàr, cioè, guai seri,
da quei scalmanati movimenti
che se sta inzegnando a "fari spenti".
