Partecipiamo con scarso trasporto al dolore per la perdita di Steve Jobs, presunto mago dei PC. Il genio che ha trasformato una parte dell'umanità in automi, realizzando al contrario il sogno di Turing: uomini che pensano come le macchine.
(ma a l'incontrario)Mi sarò anca un po' mona
Ma no g'ò mai credùo,
né da bocia e né cressùo,
ala menada de l'icona.
A ci me riferisso, lo savì,
a quel del pomo col bao,
rivado anca lu al cao
e considerado el GURO del'IT.
Ai tempi de l'Università
i ne contava che l'informatizassion
la sarìa sta' ‘na liberassion:
così i n'avèa insegnà.
Ghe l'avémo soto i oci
che rassa de liberassiòn:
vintiquatrore tacà a l'aifòn,
tuti: veci, zoéni e boci!
Drogadi de tennologia,
sentadi zò come infermi,
ipnotizadi dai schermi,
con la vita che score via.
Se Turing el fusse qua
el con desolassiòn,
sensa aiuto de equassiòn,
come l'è l'OMO AUTOMAtizà!
E ancò così i l'à sparà:
"l'é' andà via un DEL FUTURO"
Si! A vojo védar con ‘sti GURO
fra vintani come la sarà!
Michele Dall'O'
7 ottobre 2011
